Sorry, you need to enable JavaScript to visit this website.

گورنر تبوک سے سفیر پاکستان بلال اکبر کی ملاقات

 باہمی دلچسپی کے امور پر برادرانہ ماحول میں تبادلہ خیال کیا گیا۔ (فوٹو ایس پی اے)
سعودی عرب میں تبوک کے گورنر شہزادہ فہد بن سلطان سے  پیر کو سفیر پاکستان لیفٹیننٹ جنرل (ریٹائرڈ) بلال اکبر نے گورنر ہاؤس میں ملاقات کی ہے۔
سرکاری خبر رساں ایجنسی ایس پی اے کے مطابق گورنر تبوک نے سفیر پاکستان اور ان کے وفد کا خیر مقدم کیا اور تبوک میں ان کے خوشگوار قیام کی خواہش کا اظہار کیا، سفیر پاکستان ان دنوں تبوک کے دورے پر ہیں۔
شہزادہ فہد بن سلطان نے اس موقع پر کہا کہ ’سعودی عرب اور پاکستان کے برادرانہ تعلقات بڑے گہرے ہیں اور مختلف شعبوں میں دونوں ملک ایک دوسرے سے تعاون کی پالیسی پر گامزن ہیں‘۔ 
 گورنر تبوک اور سفیر پاکستان نے باہمی دلچسپی کے امور پر برادرانہ ماحول میں تبادلہ خیال کیا۔ 
سفیر پاکستان نے خیرمقدم اور فیاضانہ میزبانی پر گورنر تبوک کا شکریہ ادا کیا انہوں نے مختلف شعبوں میں تبوک میں ہونے والے ترقیاتی کاموں کی ستائش بھی کی۔
آخر میں سفیر پاکستان بلال اکبر نے گورنر تبوک کو یادگاری تحفہ پیش کیا۔ 

 

 

 

شیئر: