سعودی عرب میں 14 ہزار سے زائد غیر قانونی تارکین گرفتار
’گرفتار شدگان میں سے 7301 افراد اقامہ قوانین کی خلاف ورزی کے مرتکب تھے‘ ( فوٹو: سبق)
سعودی عرب میں غیر قانونی تارکین کے خلاف جاری مہم کے نتیجے میں گزشتہ ہفتے 14 ہزار 227 افراد گرفتار ہوئے ہیں۔
سعودی پریس ایجنسی کے مطابق یہ تعداد 12 دسمبر سے 29 دسمبر 2021 تک کی ہے۔
غیر قانونی تارکین سے پاک وطن مہم کے تحت کام کرنے والی مشترکہ کمیٹی نے کہا ہے کہ ’گرفتار شدگان میں سے 7301 افراد اقامہ قوانین کی خلاف ورزی کے مرتکب تھے‘۔
’اسی طرح 5300 گرفتار شدگان سرحدی قوانین کے جبکہ 1626 افراد لیبر قوانین کی خلاف ورزی میں ملوث تھے‘۔
کمیٹی نے کہا ہے کہ ’مذکورہ عرصے کے دوران 120 افراد گرفتار ہوئے ہیں جو سعودی عرب کی سرحدی قوانین کی خلاف ورزی کرتے ہوئے ملک میں داخل ہونے کی کوشش کر رہے تھے‘۔
’ان میں سے 51 فیصد یمنی، 45 فیصد ایتھوپین جبکہ 4 فیصد دیگر ملکوں کے شہری ہیں‘۔
’اسی طرح سعودی عرب کی سرحد عبور کر کے غیر قانونی طور پر بیرون ملک جانے کی کوشش کرتے ہوئے 24 افراد کو گرفتار کیا گیا ہے‘۔
کمیٹی نے کہا ہے کہ ’غیر قانونی تارکین کے ساتھ تعاون کرنے پر 11 افراد گرفتار ہوئے ہیں‘۔
شادی گھروں کے لیے نئے کورونا ایس او پیز کیا ہیں؟Node ID: 631746
سعودی عرب میں 846 نئے کورونا مریضوں کی تصدیقNode ID: 631831
