سعودی عرب اور مصرکی بحری مشقیں ’مرجان 17‘ اختتام پذیر ہوگئیں۔
سرکاری خبر رساں ایجنسی ایس پی اے کے مطابق مشترکہ بحری فوجی مشقوں کے ڈائریکٹر بریگیڈیئر علی الشھری نے بتایا کہ مشقوں کا مقصد برادر ملک مصر کی بحریہ اور سعودی بحریہ کے درمیان تعاون مضبوط کرنا تھا۔
فریقین نے ایک دوسرے کی حربی استعداد سے استفادہ کیا۔ دونوں نے مختلف ممکنہ خطرات سے نمٹنے کے لیے بحیرہ احمر میں جہاز رانی کی آزادی کے تحفظ کے طریقوں اور اس حوالے سے اپنے تجربات کا تبادلہ کیا۔
بریگیڈیئر علی الشھری نے کہا کہ بحری فوجی مشقیں تین مراحل میں ہوئی ہیں جو کامیاب رہیں۔
