اقامہ و لیبر قوانین کی خلاف ورزی پر 14 ہزار سے زائد تارکین گرفتار
’کل تعداد میں سے 7708 گرفتار شدگان اقامہ قوانین کی خلاف ورزی کر رہے تھے‘ ( فوٹو: عکاظ)
سعودی عرب میں گزشتہ ہفتے اقامہ و لیبر قوانین کی خلاف ورزی کرنے والے 14 ہزار 4 سو 70 تارکین گرفتار ہوئے ہیں۔
سعودی پریس ایجنسی کے مطابق گرفتار ہونے والے غیر قانونی تارکین کی مذکورہ تعداد تین فروری سے 9 فروری تک کی ہے۔
غیر قانونی تارکین کے خلاف مہم چلانے والی مشترکہ کمیٹی نے کہا ہے کہ ’کل تعداد میں سے 7708 گرفتار شدگان اقامہ قوانین کی خلاف ورزی کر رہے تھے‘۔
’اسی طرح 4971 گرفتار شدگان سرحدی قوانین کے جبکہ 1791 تارکین لیبر قوانین کی خلاف ورزی کے مرتکب تھے‘۔
’مذکورہ عرصے کے دوران 168 افراد سرحد عبور کر کے ملک میں داخل ہونے کی کوشش کرتے ہوئے پکڑا گیا ہے‘۔
’ان میں 31 فیصد یمنی، 65 فیصد ایتھوپی جبکہ 4 فیصد دیگر ملکوں کے تارکین ہیں‘۔
’غیر قانونی تارکین کے ساتھ تعاون کرنے پر 13 شہریوں اور غیر ملکیوں کو بھی گرفتار کیا گیا ہے‘ ( فوٹو: عکاظ)
’اسی طرح 168 افراد کو بھی گرفتار کیا ہے جو سرحد عبور کرکے بیرون ملک جانے کی کوشش کر رہے تھے‘۔
کمیٹی نے کہا ہے کہ ’غیر قانونی تارکین کے ساتھ تعاون کرنے پر 13 شہریوں اور غیر ملکیوں کو بھی گرفتار کیا گیا ہے‘۔
کیا ڈی پورٹ ہونے والے دوبارہ سعودی عرب آسکتے ہیں؟Node ID: 643161
مملکت میں مراکشی شہریوں کے فائنل ایگزٹ میں توسیعNode ID: 643831
