Sorry, you need to enable JavaScript to visit this website.

سعودی آرمی چیف کا دورہ اٹلی، دفاعی شعبے میں تعاون کا جائزہ

جنرل فیاض الرویلی نے اطالوی افواج کے ہیڈکوارٹر کا بھی دورہ کیا(فوٹو: ایس پی اے)
سعودی افواج کے چیف آف سٹاف جنرل فیاض الرویلی نے اٹلی کے سرکاری دورے کے موقع پر اٹلی کے اعلی عہدیداروں سے ملاقاتیں کی ہیں۔ 
سرکاری خبررساں ادارے ایس پی اے کے مطابق جنرل فیاض الرویلی کا روم پہنچنے پر اٹلی کے آرمی چیف آف سٹاف جنرل جوزبی کافو ڈراگونے خیر مقدم کیا۔
اس موقع پر اٹلی کے وزیر دفاع بھی ایئرپورٹ پر موجود تھے۔
بعد ازاں عسکری اور دفاعی شعبے میں تعاون بڑھانے اور جدید خطوط پر استوارکرنے کے طریقوں پر تبادلہ خیال کیا گیا۔
جنرل فیاض الرویلی نے اطالوی افواج کے ہیڈکوارٹر کا بھی دورہ کیا۔
سعودی افواج کے چیف آف سٹاف نے اٹلی کی وزارت دفاع کے سیکریٹری جنرل اور قومی اسلحہ ادارے کے ڈائریکٹر سے ملاقات میں باہمی دلچسپی کے متعدد امور پر تبادلہ خیال کیا۔ 
انہوں نے اٹلی کے مشترکہ آپریشن ہیڈکوارٹر کے کمانڈر سے بھی ملاقات کی۔ دفاعی و عسکری شعبوں میں تعاون اور مختلف حوالوں سے باہمی تعاون کو جدید خطوط پر استوار کرنے کی حکمت عملی کا جائزہ لیا گیا۔

سعودی سفارتخانے کےملٹری اتاشی بھی ملاقاتوں میں موجود تھے (فوٹو: ایس پی اے)

جنرل فیاض الرویلی نے اٹلی کی آرمی کے چیف آف سٹاف اور اٹلی کے قومی اسلحہ کے ڈائریکٹر کے ہمراہ اٹلی کے اسلحہ ساز کمپلیکس کا د ورہ کیا۔
جہازساز کمپنی اورالیکٹرانک جنگ کے آلات تیار کرنے والی کمپنی نیز دفاعی شعبوں کی سپیشلسٹ کمپنی، ایم بی ڈی اے کمپنی کا دورہ کیا۔ انہیں اٹلی کی دفاعی و عسکری مصنوعات کے  حوالے سے بریفنگ دی گئی۔ 
 اٹلی میں سعودی سفارتخانے کے ملٹری اتاشی بریگیڈیئر انجینیْئر عبدالھادی العمری بھی اس موقع پرموجود تھے۔

شیئر: