جدہ ..... ریجنل پولیس ترجمان کرنل ڈاکٹر عاطی القرشی نے کہا ہے کہ پولیس نے زیر تعمیر عمارتوں سے سامان چرا نے والے 3 افراد کو گرفتا رکر لیا ۔ ملزمان عرب ملک سے تعلق رکھتے ہیں جن سے مزید تفتیش کی جارہی ہے ۔ کرنل القرشی نے اردونیوز کو بتایا کہ پولیس کو اطلاع ملی تھی کہ بعض علاقوں میں زیر تعمیر عمارتوں میں موجود سامان چوری ہو رہا ہے ۔ اطلاع پر کارروائی کرتے ہوئے پولیس نے ملزمان کی گرفتاری کےلئے منظم طور پر کارروائی کرتے ہوئے ملزمان کا سراغ لگا کر انہیں گرفتار کر لیا ۔ ملزمان نے ابتدائی تحقیقات میں اپنے جرم کا اعتراف کرتے ہوئے کہا کہ انہوں نے متعدد زیر تعمیر عمارتوں سے مختلف نوعیت کا سامان چراکرانہیں مارکیٹ میں فروخت کر دیا ۔ ملزمان سے مزید تحقیقات جاری ہیں ۔