تبوک میں پبلک مقام پر جھگڑے کی وڈیو وائرل، چار شہری گرفتار

سعودی عرب میں تبوک ریجن کے علاقے الوجہ میں ایک پبلک مقام پر جھگڑے میں ملوث چار شہریوں کو حراست میں لیا ہے۔ وڈیو سوشل میڈیا پر وائرل تھی۔

سبق نیوز کے مطابق محکمہ امن عامہ نے ایکس( سابق ٹوئٹر) پر بیان میں کہا کہ ’جھگڑے میں ملوث افراد میں سے ایک کے پاس اسلحہ بھی تھا‘۔

’ملزمان کو ابتدائی قانونی کارروائی کے بعد پبلک پراسیکیوشن کے حوالے کیا گیا ہے‘۔

بیان میں کہا گیا کہ ’پبلک مقام پر ہونے والے جھگڑے کی وڈیو سوشل میڈیا پر شیئر کرنے والوں کو انفارمیشن کرائمز قانون کی خلاف ورزی پر گرفتارکیا جارہا ہے‘۔