ریاض میں آٹے میں ملاوٹ کرنے والے غیر قانونی تارکین گرفتار، گودام سیل

سعودی وزارت تجارت کے ماتحت تفتیشی ٹیموں نے ریاض میں ایک گودام پر تفتیشی کارروائی کے دوران سبسڈی والے آٹے میں ملاوٹ کرنے والے غیر قانونی تارکین کو گرفتار کرلیا۔ 

 وزارت تجارت نے گودام پر تفتیشی کارروائی کی ویڈیو آفیشل ایکس اکاؤنٹ پر شیئر کی ہے جو وائرل ہے۔ 

وزارت تجارت کی تفتیشی ٹیموں کے ہمراہ کئی سرکاری اداروں کے عہدیدار بھی تھے۔ 

تفتیشی مہم کے دوران پتہ چلا کہ غیر قانونی تارکین سبسڈی والے آٹے میں ناقابل استعمال آٹا ملا رہے تھے ۔ ملاوٹی آٹا مختلف سائز کے تھیلوں میں بھرا جارہا تھا۔ اس کا مقصد زیادہ سے زیادہ پیسہ کمانا تھا۔ 

وزارت تجارت کے افسران نے گودام سیل کردیا۔  گرفتارغیر قانونی تارکین کو قانونی کارروائی کے لیے متعلقہ ادارے کے تحویل میں دیا گیا ہے۔