ایک ہفتے کے دوران سعودی شہریوں اور رہائشیوں کے اخراجات میں 10.6 فیصد کی کمی

سعودی عرب میں شہریوں اور رہائشیوں نے گزشتہ ایک ہفتے کے دوران اپنے اخراجات 10.6 فیصد کم کیے ہیں۔

اخبار 24 کے مطابق سعودی سینٹرل بینک ’ساما‘ نے ہفتہ وار رپورٹ میں بتایا کہ مملکت میں  شہریوں اور رہائشیوں نے گزشتہ ہفتے 6 سے 12 اکتوبر کے دوران 12.2 ارب ریال خرچ کیے جبکہ اس سے قبل کے ہفتے میں 13.7 ارب ریال کے اخراجات کیے گئے تھے۔

ساما  کے اعدادوشمار کے مطابق ایک ہفتے کے دوران تعلیمی اخراجات کے حجم میں 36 فیصد کمی واقع ہوئی، 125.9 ملین ریال خرچ ہوئے۔ الیکٹرانک آلات کی خریداری میں 16 فیصد کمی کے ساتھ اخراجات 199.8  ملین ریال جبکہ فرنیچر پر 274.6 ملین ریال خرچ کیے گئے۔

کپڑوں اور جوتوں کی خریداری پر 671.2 ملین ریال خرچ ہوئے جو گزشتہ ہفتے کے مقابلے میں 11.4 فیصد کم رہے۔

تعمیراتی سامان پر 345.5 ملین ریال، گیس سٹیشنوں پر 918.8 ملین ریال جبکہ صحت پر 11.7 فیصد کمی کے ساتھ 814.8 ملین ریال کے اخراجات ہوئے۔

ہوٹلنگ پر اخراجات کا حجم 270.7 ملین ریال، عوامی سہولتوں پر 55.2 ملین ریال، زیورات پر 261.4 ملین ریال، متفرق اشیا اور خدمات پر 1.5 ارب ریال، تفریح اور ثقافت پر 293 ملین ریال، کھانے اور مشروبات پر 1.9 ارب ریال خرچ کیے گئے جو اس سے قبل کے عرصے کے مقابلے میں 14.3 فیصد کم ہیں۔

ٹیلی کام پر اخراجات 11 فیصد کم ہوکر 121.5 ملین ریال، ٹرانسپورٹ پر 751.9 ملین ریال جبکہ دیگر اخراجات کی مد میں 1.8 ارب ریال خرچ کیے گئے۔

 رپورٹ میں بتایا گیا کہ شہر کی سطح پر دیکھا جائے تو ریاض کے رہائشی سرفہرست رہے۔ انہوں نے ایک ہفتے کے دوران 4.2 ارب ریال کی خریداری کی جبکہ جدہ کے شہری اس ہفتے دوسرے نمبر پر رہے اور 1.6 ارب ریال خرچ کیے۔ دمام 627 ملین ریال کے ساتھ تیسرے نمبر پر رہا۔

اسی طرح مکہ مکرمہ 475.6 ملین ریال، مدینہ منورہ 469 ملین ریال، الخبر 360 ملین ریال، بریدہ 293.3 ملین ریال، تبوک 238.4 ملین ریال،حائل 194.1 ملین ریال، ابھا 149.4 ملین ریال اور دیگر شہروں کے رہنے والوں نے ایک ہفتے کے دوران 3.4 ارب ریال خرچ کیے۔

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں