Sorry, you need to enable JavaScript to visit this website.

جدہ اسلامک پورٹ پر 1.4 ملین کیپٹاگون سمگل کرنے کی کوشش ناکام

اتھارٹی کا کہنا ہے نشہ آورگولیاں ایک شپمنٹ میں چھپائی گئی تھیں (فوٹو: ایکس اکاونٹ)
سعودی زکوۃ، ٹیکس اور کسٹم اتھارٹی نے جدہ اسلامک پورٹ کے ذریعے 1.4 ملین سے زیادہ نشہ آور گولیاں (کیپٹاگون) سمگل کرنے کی کوشش کو ناکام بنایا ہے۔
ایس پی اے نے اتھارٹی کے بیان کے حوالے سے بتایا’ نشہ آورگولیاں ایک شپمنٹ میں چھپائی گئی تھیں، کسٹم طریقہ کار اورلائیو ڈیٹیکشن  کے دوران انہیں برآمد کیا گیا۔‘
اتھارٹی نے نارکوٹکس کنٹرول کے جنرل ڈائریکٹیوریٹ کے تعاون سے نشہ آور گولیاں وصول کرنے والوں کو گرفتارکیا ہے۔
انٹرنشیشنل جرنل آف ایڈکشن ریسرچ کے مطابق کیپٹاگون ایک قسم کی ایمفیٹامین ہے جسے مشرق وسطی میں نوجوان اور کم عمرلڑکے مبینہ طور پراستعمال کرتے ہیں۔ اس کی ایک گولی کی قیمت 10 سے 25 ڈالر کے درمیان ہے۔

 

شیئر: