ریاض میں جاری ورلڈ ڈیفنس شو2026 میں سعودی وزارت نیشنل گارڈ نے رائل انسٹی ٹیوٹ آف ٹریڈیشنل آرٹس ’ورث‘ کے اشتراک سے ملٹری وہیکلز اور بکتر بند گاڑیوں کی نمائش کی۔

ان گاڑیوں کو نجدی طرز پر سجا کر عسکری شعبے میں قومی شناخت کو نمایاں کیا گیا۔

عاجل نیوز کے مطابق ڈیفنس شو کا انعقاد جنرل اتھارٹی فار ملٹری انڈسٹریز کے زیر اہتمام کیا جارہا ہے۔ متعدد حکومتی شعبے اور مقامی و بین الاقوامی کمپنیاں شریک ہیں۔ 

 رائل انسٹی ٹیوٹ آف ٹریڈیشنل آرٹس’ورث‘، وزارت نیشنل گارڈ اور وزارت داخلہ کے ساتھ دومشترکہ منصوبوں میں شریک ہے۔

ورث کی جانب سے عسکری اور سکیورٹی کے شعبوں میں روایتی مقامی فنون کو متعارف کرانا ہے جو مملکت کی اقدار و ثقافت کی عکاسی کرتے ہیں۔

ورلڈ ڈیفنس شو میں نمائش کے لیے رکھی گئی آرمی وہیکلز اور بکتر بند گاڑیوں پر نجد کے علاقے میں دروازوں پر بنائے جانے والے ڈیزائنوں کو نقش کیا گیا ہے۔

قدیم روایت کو عصرِحاضر میں متعارف کرانے کا یہ بہترین انداز ہے جسے دیکھ کر علاقے کے ماضی سے رشتہ مزید مضبوط ہوجاتا ہے۔