سعودی ولی عہد کو بنگلہ دیش کے عبوری سربراہ کا مکتوب موصول
سعودی نائب وزیر خارجہ سے ریاض میں بنگلہ دیشی سفیر نے ملاقات کی ہے ( فوٹو ایس پی اے)
سعودی ولی عہد شہزادہ محمد بن سلمان کو بنگلہ دیش کی عبوری حکومت کے سربراہ پروفیسرمحمد یونس کی جانب سے دونوں ملکوں کے دوطرفہ تعلقات کے حوالے سے ایک تحریری مکتوب موصول ہوا ہے۔
ایس پی اے کے مطابق سعودی نائب وزیرخارجہ انجینئر ولید بن الخریجی سے ریاض میں وزارت کے ہیڈ کوارٹر میں بنگلہ دیش کے سفیر دلوارحسین نے ملاقات کی اور مکتوب حوالے کیا۔
ملاقات میں دوطرفہ تعلقات اور مختلف شعبوں میں انہیں بڑھانے کے طریقوں کا جائزہ اور مشترکہ دلچسپی کے امور پر تبادلہ خیال کیا گیا۔
