سعودی وزیر خارجہ شہزادہ فیص بن فرحان نے سرکاری دورے کے دوران جمعے کو ماسکو میں روسی ہم منصب سرگئی لاوروف سے ملاقات کی جس کا مقصد دونوں ملکوں کے درمیان دیرینہ تعلقات کو مضبوط بنانا ہے۔
ایس پی ا ے کے مطابق ملاقات کے دوران دونوں ملکوں اور عوام کے درمیان تاریخی دوستی اور تعاون کا جائزہ لیا۔ مختلف شعبوں میں تعلقات مزید مضبوط بنانے اور فروغ دینے کے طریقے تلاش کیے۔
بعد ازاں باضابطہ مذکرات میں سعودی عرب اور روس کے درمیان گہرے تعلقات کا زور دیا گیا۔ خطے کی صورتحال اور اس حوالے سے کی جانے والی کوششوں پر بھی بات چیت کی گئی۔
عرب نیوز کے مطابق دونوں ملکوں نے تعلقات کو فروغ دینے اور موجودہ سٹریٹجک شراکت داری کو فروغ دینے کے اپنے عزم کا اعادہ کیا۔
شہزادہ فیصل بن سلمان نے دونوں ملکوں کے درمیان گہری دوستی کو اجاگر کیا، خطے کی صورتحال، غزہ کے بحران سمیت مشرق وسطی میں استحکام اور سیکورٹی کی سپورٹ کےلیے مشترکہ کوششوں پر تفصیل سے تبادلہ خیال کیا گیا۔
یہ دورہ ایک ایسے وقت میں ہو رہا ہے جب ریاض اور ماسکو کے درمیان علاقائی امور اور توانائی کی عالمی مارکیٹ میں مشترکہ مفادات اور سیاسی ہم آہنگی پر سفارتی روابط جاری ہیں۔
بعد ازاں ایک مشترکہ پریس کانفرنس میں سعودی عرب کی جانب سے تنازعات کو مذاکرات کے ذریعے حل کرنے کے موقف کا اعادہ کیا گیا۔
سعودی وزیر خارجہ کے مشیر برائے سیاسی امور شہزادہ مصعب بن محمد الفرحان، وزارت خارجہ کے انڈر سیکرٹری ڈکٹر سعود الساطی اور روس میں سعودی سفیا عبدالرحمن الاحمد اور وزیر خارجہ کے مشیر محمد الیحیی بھی موجود تھے۔
