رہائشی ضوابط کی خلاف ورزی، سات عمرہ کمپنیوں کے خلاف تادیبی کارروائی
عمرہ زائرین کے لیے مقررہ ضوابط کی خلاف روزیاں ناقابل معافی ہیں (فائل فوٹو: اے ایف پی)
سعودی وزارتِ حج وعمرہ نے عمرہ زائرین کے لیے مخصوص رہائش کے ضوابط پر عمل نہ کرنے والی 7 کمپنیوں کے خلاف تادیبی کارروائی کا آغاز کردیا۔
اخبار 24 کے مطابق وزارتِ حج کا کہنا ہےعمرہ زائرین کو فراہم کی جانے والی رہائش کے معیار کو مقرر کیا گیا ہے جس پرعمل نہ کرنا ضوابط کی سنگین خلاف ورزی تصور کی جاتی ہے۔
وزارت کی تفتیشی کمیٹی نے جن عمرہ کمپنیوں کے خلاف رہائشی ضوابط کی خلاف ورزی ریکارڈ کی تھی وہ سنگین نوعیت کی تھی جس پر کمیٹی نے فوری طور پراسے رپورٹ کیا۔
کمیٹی کی رپورٹ پر متعلقہ ادارے کی جانب سے ایکشن لیتے ہوئے کمپنی کے خلاف قانونی کارروائی کا آغاز کردیا۔
وزارت کا کہنا تھاعمرہ زائرین کے لیے مقررہ ضوابط کی خلاف روزیاں ناقابل معافی ہیں جن پر وزارت کی جانب سے فوری تادیبی کارروائی کی جاتی ہے۔
وزارت حج وعمرہ نے تمام عمرہ کمپنیوں کی انتظامیہ کو سختی سے ہدایت کی کہ وہ ضوابط پر عمل درآمد کویقینی بنائیں جس کا مقصد عمرہ زائرین کو مکمل سہولت و اطمینان فراہم کرنا ہے۔ ضوابط کی خلاف ورزی کسی صورت برداشت نہیں کی جائے گی۔
سعودی وزارت حج نے عمرہ زائرین کے لیے رہنما اصول جاری کر دیےNode ID: 892277
