سعودی عرب کا دوسرا طیارہ آگ سے متاثرہ افراد کےلیے امداد لے کر شام پہنچ گیا
سعودی عرب کا دوسرا طیارہ آگ سے متاثرہ افراد کےلیے امداد لے کر شام پہنچ گیا
جمعہ 18 جولائی 2025 19:35
سعودی عرب نے متاثرین کی مدد کے لیے فضائی پل قائم کیا ہے۔(فوٹو: ایس پی اے)
سعودی عرب کا دوسرا امدادی طیارہ شام کے الاذقیہ گورنریٹ میں جنگل کی آگ سے متاثرہ افراد کےلیے شیلٹرز سمیت دیگر سامان لے کر جمعے کو حلب کے انٹرنیشنل ایئرپورٹ پہنچ گیا۔
ایس پی اے کے مطابق سعودی وزارت دفاع کے تعاون سے شاہ سلمان مرکز کے تحت سعودی عرب نے متاثرین کی مدد کے لیے فضائی پل قائم کیا ہے۔
یہ اقدام شامی عوام کے مصائب کو کم کرنے کےلیے مملکت کی امدادی اور انسانی ہمدردی کی کوششوں کا حصہ ہے۔
آگ سے تقریبا 100 مربع کلو میٹر جنگل اور فصلیں تباہ ہوئی ہیں۔(فوٹو: ایس پی اے)
یاد رہے شاہ سلمان مرکز اور شام کی وزارت ڈیزاسٹر منیجمنٹ کے ساتھ تعاون کے ایک معاہدے پر بھی دستخط کیے ہیں تاکہ جنگل کی آگ سے نمنٹے کےلیے ضروری سامان اور مشینری فراہم کی جا سکے۔
اس معاہدے کا مقصد فیلڈ فائر فانٹنگ ٹیموں کے لیے تیکنیکی اور لاجسٹک سپورٹ کے ذریعے موثر ریسپانس کی صلاحیت کو بڑھانا ہے۔
اقوام متحدہ کے ایک ادارے کا کہنا ہےآگ سے تقریبا 100 مربع کلو میٹر جنگل اور فصلیں تباہ ہوئی ہیں۔
الاذقیہ گورنریٹ کے پہاڑی جنگلات اور زرعی اراضی پر لگی آگ پر دس دن بعد قابو پالیا گیا، کولنگ کا کام جاری ہے۔
