سعودی عرب کا فلسطینی ریاست کو تسلیم کرنے سے متعلق برطانوی وزیراعظم کے اعلان کا خیرمقدم

سعودی عرب نے برطانوی وزیراعظم کیئرسٹارمر کے اپنی حکومت جانب سے فلسطینی ریاست کو تسلیم کرنے کے ارادے اور دو ریاستی حل کی سپورٹ کے اعلان کا خیرمقدم کیا ہے۔

ایس پی اے کے مطابق وزارت خارجہ نے ایک بیان میں بین الاقوامی برادری اور امن پسند ملکوں پر پھر زور دیا کہ وہ بین الاقوامی قرار دادوں پرعملدرآمد کے لیے سنجیدہ اقدامات کریں۔

یہ قراردادیں فلسطینی عوام کے اس  پیدائشی حق کو تسلیم کرتی ہیں کہ وہ 1976 کی سرحدوں پر ایک آزاد ریاست قائم کریں جس کا دارلحکومت مشرقی یروشلم ہو۔
یاد رہے برطانیہ کے وزیراعظم کیئر سٹارمر نے منگل کو کابینہ کو بتایا کہ ’ان کا ملک فلسطین کو ریاست کے طور پر تسلیم کر لے گا۔‘
 ’فلسطین کو ریاست تسلیم کرنے کا وقت آگیا ہے۔ غزہ کی صورت حال نہ بدلی تو برطانیہ ستمبر میں فلسطین کو ریاست تسلیم کر لے گا۔‘
وزیراعظم کیئر سٹارمر کا کہنا تھا کہ ’اگر اسرائیل نے جنگ بندی اور دو ریاستی حل پر پیش رفت نہ کی تو برطانیہ کا یہ فیصلہ نافذالعمل ہوگا۔‘ 

اس سے قبل  فرانسیسی صدر ایمانوئل میکخواں نے ستمبر میں اقوام متحدہ کی جنرل اسمبلی میں فلسطینی ریاست کو تسلیم کرنے کے اردے کا اعلان کیا تھا۔

140 سے زائد ممالک پہلے ہی فلسطین کو بطور ریاست تسلیم کر چکے ہیں۔