سعودی وزیرخارجہ سے فلسطینی وزیراعظم کی ملاقات، غزہ جنگ کے خاتمے کی کوششوں پر تبادلہ خیال
فلسطینیوں کے حقوق کی سپورٹ کے پر بھی بات چیت کی گئی۔(فوٹو: ایس پی اے)
سعودی وزیرخارجہ شہزادہ فیصل بن فرحان نے نیویارک اقوام متحدہ میں مملکت کے مستقل مشن کے دفتر میں فلسطینی وزیراعظم محمد مصطفی کا خیرمقدم کیا۔
ایس پی اے کے مطابق مسئلہ فلسطین کے پرامن حل اور دو ریاستی حل کے نفاذ سے متعلق بین الاقوامی کانفرنس کے اختتام پر ہونے والی ملاقات میں دوطرفہ تعلقات کا جائزہ اور فلسطین کی صورتحال پر تبادلہ خیال کیا گیا۔
فلسطینیوں کے حقوق کی سپورٹ میں بین الاقوامی سطح پر مشترکہ ایکشن اور اہم آہنگی بڑھانے کے طریقوں پر بھی بات چیت کی گئی۔
عرب نیوز کے مطابق ملاقات میں غزہ میں جاری جنگ کےخاتمے کےلیے سفارتی کوششوں پر تبادلہ خیال کیا گیا۔
بعد ازاں مفاہمت کی تین یادداشتوں پر دستخط کیے گئے جو فلسطینی کاز، فلسطینی عوام کی سپورٹ میں مملکت کے کردار اور فلسطینی حکومت کی مختلف شعبوں میں جاری اصلاحات کے پروگرام سے متعلق ہیں۔
