غزہ کے فلسطینی شہریوں نے قحط کی صورتحال سے نمنٹے کے لیے شاہ سلمان مرکز کے ذریعے فوری طور پر امدادی سامان کی فراہمی پر سعودی عرب کا شکریہ ادا کیا ہے۔

ایس پی اے کے مطابق امداد سے فائدہ اٹھانے والے ایک فلسطینی نے امداد کے حصول کے بعد دلی شکریہ ادا کیا اور سعودی قیادت اور عوام کی ستائش کی۔

سعودی امدادی ایجنسی شاہ سلمان مرکز کے بیان میں کہا گیا کہ ’اس امداد سے فلسطینوں کے مصائب کم کرنے میں مدد ملی ہے۔‘

ہنگامی امداد وصول کرنے والے ایک اور فلسطین‘ی کا کہنا تھا ’سعودی عرب کبھی فلسطینی عوام کی سپورٹ سے پیچھے نہیں ہٹآ مشکل ترین حالات میں بھی ساتھ کھڑا رہا ہے۔

انہوں نے کہا ’مملکت نے خاص طور پر اس وقت جب اسرائیل کی ناکہ بندی نے خوراک ، دواوں ایندھن پانی اور بجلی کی فراہمی کو محدود کردیا ہے اور قحط کی صورتحال کا سامنا ہے، فلسطینیوں کو بنیادی ضروریات کی فوڈ سپلائز کی فراہمی کے لیے بھی قدم اٹھایا۔

امدادی سامان وصول کرنے والی ایک فلسطیینی خاتون نے بتایا ’وہ اور دیگر فلسطینی 2007 می مملکت کی طرف سے قائم کردہ غزہ کے ایک سکول میں پناہ لیے ہوئے ہیں۔ اس عمارت می اب یتیم، شہدا کی بیوائیں اور بہت سے بے گھر خاندان ہیں۔

انہوں نے فلسطینیوں کی مسلسل حمایت پر سعودی عرب کی تعریف کی۔

شاہ سلمان مرکز کے بیان میں کہا گیا’غزہ میں ضرورت مند افراد نے سعودی قیادت، حکومت اورعوام کے طرف سے فلسطینیوں کو فراہم کی جانے والی امداد کی تعریف کی ہے۔‘

سعودی امدادی ایجنسی غزہ کی پٹی میں ہزاروں فلسیطنی خاندانوں میں فوڈ باسکٹس کی تقسیم کا سلسلہ جاری رکھے ہوئے ہے۔

غزہ میں انسانی بحران کے خاتمے کےلیے  شاہ سلمان مرکز نے فضائی اور بحری امدادی پل قائم کیے۔ ان کے ذریعے 7 ہزار 180 ٹن سے زیادہ امداد کے علاوہ 20 ایمبولینسں فراہم کیں۔