ریاض : ولی عہد شہزادہ محمد بن سلمان سے شہباز شریف کی ملاقات
ولی عہد و وزیر اعظم شہزادہ محمد بن سلمان بن عبدالعزیز نے ریاض میں قصر الیمامہ پہنچنے پر وزیر اعظم پاکستان شہباز شریف کا پرتپاک استقبال کیا۔
سعودی خبررساں ایجنسی ’ایس پی اے‘ کےمطابق قبل ازیں نائب گورنر ریاض شہزادہ محمد بن عبدالرحمن بن عبدالعزیز نے ریاض کے شہزادہ خالد انٹرنیشنل ایئرپورٹ پر وزیر اعظم شہباز شریف کا استقبال کیا۔
نائب گورنر ریاض کے ہمراہ وزیر سرمایہ کاری خالد الفالح ، پاکستان میں سعودری عرب کے سفیر نواف المالکی ، سعودی عرب میں پاکستانی سفیر احمد فاروق ، شاہی پروٹوکول کے سیکرٹری فھد الصھیل کے علاوہ دیگر اعلی عہدیداران بھی موجود تھے۔
خیال رہے وزیر اعظم شہباز شریف اعلی سطحی وفد کے ہمراہ بدھ کو سعودی عرب کے سرکاری دورے پر ریاض پہنچے ۔ اس موقع پر انہیں 21 توپوں کی سلامتی پیش کی گئی۔
