رواں برس کی پہلی ششماہی میں عمرہ زائرین کی تعداد 38 لاکھ رہی
رواں برس کی پہلی ششماہی میں عمرہ زائرین کی تعداد 38 لاکھ رہی
ہفتہ 4 اکتوبر 2025 6:52
وزارتِ حج و عمرہ کا کہنا ہے کہ رواں برس عمرہ سیزن کے آغاز سے گزشتہ ماہ کے اختتام تک اندرونی وبیرونی عمرہ زائرین کی تعداد 38 لاکھ سے تجاوز کر گئی۔
عاجل نیوز نے وزارتِ حج وعمرہ کے حوالے سے جاری اعداد و شمار کے حوالے سے مزید کہا ہے کہ عمرہ زائرین کی تعداد گزشتہ برس اسی عرصے کے مقابلے میں 6 فیصد زیادہ ہے۔
بیرونی ملک سے عمرہ ویزے پر 28 لاکھ زائرین مملکت پہنچے جن کا تعلق 135 ممالک سے تھا۔
بیرونی ممالک سے آنے والوں نے عمرہ کی ادائیگی کے بعد مسجد نبوی الشریف میں بھی حاضری دی۔
وزارتِ حج و عمرہ کا مزید کہنا تھا کہ رواں برس عمرہ سیزن میں گزشتہ برس کے مقابلے میں عمرہ زائرین کی تعداد میں 33 فیصد اضافہ ریکارڈ کیا گیا۔
مدینہ منورہ میں بھی زائرین کی رہنمائی کے لیے مراکز موجود ہیں(فوٹو،ایکس )
وزارت کی جانب سے عمرہ زائرین کو بہترین خدمات کی فراہمی کی یقین دہانی کے لیے تفتیشی ٹیمیں مقرر کی گئی ہیں جو عمرہ سروسز فراہم کرنے والی کمپنیوں کی نگرانی کرتی ہیں۔
علاوہ ازیں زائرین کی سہولت اور کسی بھی شکایت کے ازالے کے لیے مکہ مکرمہ اور مدینہ منورہ میں ذیلی دفاتر اور حرمین شریفین کے باہر کیبنزمیں اہلکار تعینات کیے جاتے ہیں۔
