مسجد الحرام میں بارش کے دوران عمرہ زائرین کا طواف اور دعائیں
سعودی عرب میں منگل کو مکہ مکرمہ سمیت کئی علاقوں میں منگل کو موسلا بارش کی اطلاعات ہیں۔
الاخباریہ کے مطابق مسجد الحرام میں عمرہ زائرین بارش کے دوران نماز ادا کی، طواف اور عبادت میں مصروف رہے۔ دعائیں بھی کیں۔
بارش کے دوران طواف اور دعائیں کی تصاویر اور وڈیوز سوشل میڈیا پر وائرل ہیں۔
یاد رہے جنرل ڈائریکٹوریٹ آف سول ڈیفنس نے ممکت کے کئی علاقوں میں جمعرات تک بارش کا الرٹ جاری کیا تھا۔
بیان میں کہا گیا کہ’ مکہ مکرمہ ریجن درمیانے درجے سے شدید بارش کی زد میں رہے گا، سیلابی صورتحال، ژالہ باری اور گرد آلود ہوائیں چلنے کا امکان ہے۔‘
واضح رہے حرمین شریفین انتظامیہ کی کوشش ہے کہ بارش کے دوران زائرین کی سلامتی کو یقینی بنایا جائے۔
مطاف، نماز کے مقامات، داخلی راستوں پر فوری طور پر پانی کی نکاسی اور فرش خشک کیے جانے کو یقینی بنایا جارہا ہے۔
