سعودی عرب اور بنگلہ دیش نے لیبر ریکروٹمنٹ کےلیے معاہدے پر دستخط کردیے

سعودی عرب اور بنگلہ دیش نے جنرل لیبر ریکروٹمنٹ  کےلیے ایک معاہدے پر دستخط کیے ہیں۔

سعودی وزیر افرادی قوت احمد الرجحی جبکہ بنگلہ دیش کی جانب سے تارکین وطن کے امور اور اورسیز ایمپلائمنٹ کے وزیر آصف نذرول نے معاہدے پر دستخط کیے۔

ایس پی اے کے مطابق معاہدے میں بنگلہ دیشی کارکنوں کے امور کو منظم کرتے ہوئے آجر و اجیر کے مابین تعلقات کو بہتر بنانا اور فریقین کے حقوق کو تحفظ فراہم کرنا شامل ہے۔

معاہدے پر دستخط کے موقع سعودی وفد اور بنگلہ دیشی حکومتی اعلی عہدیداران بھی موجود تھے۔

فریقین نے باہمی تعاون اور مشترکہ اہداف کے حصول کے حوالے سے بھی تبادلہ خیال کیا جس کا مقصد ورکنگ ریلشن شپ کو مستحکم کرتے ہوئے مارکیٹ کی صورتحال کو متوازن بنانا تھا۔

واضح رہے کہ سعودی عرب بنگلہ دیشی تارکین وطن کارکنوں کے لیے سرفہرست مقام ہے جہاں اس وقت ان میں سے نصف سے زیادہ رہائش پذیر ہیں۔

 ایک رپورٹ کے مطابق بنگلہ دیشی ورکرز اپنے ملک میں ترسیلات زر بھیجنے کا سب سے بڑا ذریعہ بھی ہیں۔