سعودی عرب کی امارات میں مشترکہ فضائی مشقوں میں شرکت
جمعرات 30 اکتوبر 2025 18:44
فضائیہ کے اہلکار ٹورنیڈو طیاروں پر مشقیں کریں گے۔ (فوٹو: ایس پی اے)
متحدہ عرب امارات میں مشترکہ فضائی مشقوں میں سعودی عرب سمیت دوست و برادر ممالک کی فضائیہ کے دستے شرکت کر رہے ہیں۔
سعودی خبررساں ایجنسی ’ایس پی اے‘ کے مطابق ایریل وار فیئر اینڈ میزائل ڈیفنس سنٹر‘ (اے ٹی ایل سی- 35 ) مشقوں میں رائل فضائیہ کا دستہ آپریشنل تیاریوں کو بہتر بنانے کےلیے ٹورنیڈو طیاروں کے ساتھ شریک ہے۔
مشترکہ مشق میں حصہ لینے والے فضائیہ کے گروپ کمانڈر لیفٹیننٹ کرنل پائلٹ اسٹاف حماد بن حاشم الحربی کا کہنا تھا‘ مشقوں کا مقصد برادر اور دوست ممالک کے ساتھ عسکری امور میں تجربات کا تبادلہ کرنا ہے۔‘
مشق کا مقصد فضائی جنگی آپریشنز کی حکمت عملی اور طریقہ کار تیار کرنا بھی ہے۔
واضح رہے سعودی رائل ایئر فورس کے دستے متحدہ عرب امارات کے الظفرہ ایئر بیس پر پہنچے جہاں ان کا استقبال مشترکہ گروپ کے کمانڈر نے کیا۔
