شہزادہ فیصل بن فرحان سے برطانوی وزیرخارجہ کی ملاقات، خطے کی صورتحال پر تبادلہ خیال
مختلف شعبوں میں تعلقات مضبوط بنانے کے طریقوں کا جائزہ لیا گیا۔ (فوٹو: ایس پی اے)
سعودی وزیرخارجہ شہزادہ فیصل بن فرحان سے اتوار کو ریاض میں وزارت کے ہیڈ کوارٹر میں برطانوی ہم منصب یویٹ کوپر کا خیرمقدم کیا۔
ایس پی اے کے مطابق ملاقات میں سعودی عرب اور برطانیہ کے تعلقات، انہیں مختلف شعبوں میں مضبوط بنانے اور ترقی دینے کے طریقوں کا جائزہ لیا گیا۔
دونوں وزرائے خارجہ نے خطے کی حالیہ صورتحال اور اس حوالے سے کی جانے والی کوششوں پر بھی تبادلہ خیال کیا۔
اس موقع پر وزارت کے انڈر سیکرٹری برائے سیاسی امور ڈاکٹر سعود الساطی، وزیرخارجہ کے مشیر برائے سیاسی امور شہزادہ مصعب بن محمد الفرحان اور وزیرخارجہ کے مشیر محمد الیحیی بھی موجود تھے۔
