رونالڈو نے ایک سو واں گول کرکے تاریخ میں نام رقم کرلیا

النصر ٹیم کے کپتان سٹار فٹبالر کرسٹیانو رونالڈو نے سعودی لیگ میں اپنی 100 گول شراکتوں کا سنگِ میل نہایت تیزی سے حاصل کر لیا جو ان کی 85 ویں لیگ میچ کے دوران مکمل ہوا ہے۔

سبق ویب سائٹ کے مطابق رونالڈو نے اپنی ٹیم النصر کی نیوم کے خلاف 3-1 کی فتح میں دوسرا گول اسکور کیا ہے جس کے ساتھ ان کی کل گول شراکتیں ایک سو ہو گئیں جن میں 83 گول اور 17 سسٹ شامل ہیں۔

رونالڈو کا گول پینالٹی کک سے آیا ہے جو ان کے ہم وطن ژواو فیلِکس پر مالی کھلاڑی عبداللہ دوکوری کی فاؤل کے بعد دیا گیا۔

بعد ازاں فیلکس نے پینالٹی ایریا کے باہر سے فری کک پر تیسرا گول داغا جس کے ساتھ رونالڈو اور فیلکس کی جوڑی اس سیزن کی سب سے مضبوط گول پارٹنرشپ بن گئی۔

دونوں کھلاڑیوں نے اب تک 8 میں سے پانچ میچوں میں ایک ساتھ گول کئے ہیں۔