نیا بجٹ وژن 2030 کے اہداف کی جانب اہم قدم: سعودی وزیرخزانہ

سعودی وزیرخزانہ محمد الجدعان نے  کہا ہے کہ’ قومی بجٹ 2026 مملکت کے وژن 2030 کے اہداف کے حصول کی جانب اہم قدم ہے۔‘

الاخباریہ کے مطابق  بجٹ 2026 کے اعلان کے بعد پریس کانفرنس سے خطاب کرتے ہوئے کہا کہ ’سال 2025 عمل درآمد کا مرحلہ ہے، گزشتہ پانچ برسوں میں حکومتی اور نجی شعبے میں زبردست مسابقت کا مشاہدہ دیکھنے میں آیا، بہت سے اقدامات اور منصوبوں و پرگراموں پرعمل درآمد ہوا۔‘‘

انہوں نے کہا ’ بجٹ وسائل میں  قومی ترجیحات شامل ہیں جن کے تحت اقتصادی ترقی کی حمایت اور تیل ماسوائے ذرائع کی سرگرمیوں کو فروغ دیتے ہوئے جامع و پائیدار ترقی کے حصول پر توجہ دینا ہے۔‘

’ بجٹ خسارہ سٹریٹیجک ہے اور خرچ کی گئی رقم کے اثرات مستقبل میں نظر آئیں گے جس کا مرحلہ سال 2026 سے ظاہر ہو کر 2030 تک جاری رہے گا۔‘

وزیر خزانہ نے مزید کہا ’سال 2026 کے قومی بجٹ میں توسیعی اخراجات جاری رکھتے ہوئے  نان آئل سرگرمیوں میں تعاون سے تاریخی ترقی حاصل کی گئی۔‘

الجدعان نے مزید کہا ’وژن 2030 کے ابتدائی برسوں میں عظیم اقتصادی اصلاحات ریکارڈ کی گئی ہیں۔ 85 فیصد اقدامات مکمل کیے یا مقررہ منصوبے کے مطابق آگے بڑھ رہے ہیں۔‘

انہوں نے واضح کیا ’ وژن کے 299 اشاریے کامیابی سے حاصل کیے گئے جن میں سے 257 مقررہ ہدف سے تجاوز کرچکے ہیں۔‘

وزیرخزانہ کا کہنا تھا’ 2030 سے پانچ برس قبل کارکردگی کے اشاریوں کے 93 فیصد تک پہنچنا متاثر کن اعداد و شمار ہے جس سے کامیابی کا تناسب بھی واضح ہوتا ہے۔‘

انہوں نے بتایا ’وژن 2030 کے اہداف میں 1.200 ملین روزگار کے مواقع مہیا کیے جائیں گے۔ مملکت صنعت، سیاحت ، ٹرانسپورٹ اور مصنوعی ذہانت ہر توجہ مرکوز کیے ہوئے ہے۔‘

وزیر خزانہ کا کہنا تھا’ ہم ابھی تک مالی استحکام کے مرحلے پرنہیں پہنچے تاہم اس تک پہنچنے کے لیے کوشاں ہیں، ہمیں کوئی خطرہ نہیں ہم پوری مستعدی اور بھرپور صلاحیتوں سےعالمی معاشی جھٹکوں کا مقابلہ کرنے کی صلاحیت رکھتے ہیں۔‘