رابطہ عالم اسلامی کے سیکریٹری سے اقوام متحدہ کے تجارتی ادارے کی سربراہ کی ملاقات
ملاقات میں باہمی دلچسپی کے متعدد امور پر بات کی گئی (فوٹو: ایس پی اے)
رابطہ عالم اسلامی کے سیکریٹری جنرل شیخ ڈاکٹر محمد بن عبدالکریم عیسیٰ سے سنیچر کو ریاض میں اقوام متحدہ کی کانفرنس برائے تجارت و ترقی ( یواین سی ٹی اے ڈی) کی سیکریٹری جنرل ریبیکا گرینسپین نے ملاقات کی۔
ایس پی اے کے مطابق ملاقات میں باہمی دلچسپی کے متعدد امور پر بات کی گئی جن میں عالمی ترقی، اقتصادی چیلنجز اور بین الاقوامی انگیجمنٹ سے متعلق تعاون کے شعبے شامل ہیں۔
اس سے قبل رابطہ عالم اسلامی کے سیکریٹری جنرل نے ریاض میں تھائی لینڈ کے سفیر کا خیرمقدم کیا۔
ملاقات میں باہمی دلچسپی کے متعدد امور پر تبادلۂ خیال کیا گیا۔
