سعودی وزیر دفاع شہزادہ خالد بن سلمان سے بدھ کو ریاض میں یمنی صدارتی قیادت کونسل کے سربراہ ڈاکٹر رشاد العلیمی نے ملاقات کی۔
سعودی وزیر دفاع نے اس موقع پر یمن کے لیے 1.9 ارب ریال کے ترقیاتی پیکج کا بھی اعلان کیا۔
شہزادہ خالد بن سلمان نے ایکس پر ایک پوسٹ میں لکھا کہ ’وہ رشاد العلیمی، کونسل کے ارکان، یمنی وزیراعظم اور عدن کے گورنر سے مل کر خوش ہیں۔‘
ملاقات میں سعودی، یمنی تعلقات، یمن کی صورتحال، یمنی بحران کو ایک جامع سیاسی حل کے فریم ورک کے اندر ختم کرنے کے حوالے سے کوششوں پر تبادلۂ خیال کیا گیا۔
استعرضت معهم العلاقات الأخوية بين بلدينا الشقيقين، وبحثنا تطورات الأوضاع باليمن والمساعي الهادفة لإنهاء الأزمة اليمنية ضمن الحل السياسي الشامل باليمن لتحقيق الأمن والاستقرار، وأكدنا أهمية مواصلة الجهود تجاه مستقبل القضية الجنوبية عبر مؤتمر الرياض لإيجاد تصور شامل للحلول العادلة. pic.twitter.com/4gD7hNvzmo
— Khalid bin Salman خالد بن سلمان (@kbsalsaud) January 14, 2026
انہوں نے کہا کہ ’ہم نے جنوبی مسئلے کے مستقبل کے حوالے سے ریاض کانفرنس کے ذریعے منصفانہ حل کے لیے ایک جامع وژن تلاش کرنے کی اہمیت پر زور دیا۔‘
ملاقات کے دوران مملکت کی جانب سے سعودی ترقیاتی اور تعمیر نو کے پروگرام کے ذریعے یمنی عوام کے لیے اقتصادی امداد، ترقیاتی منصوبوں اور پروگرام کے پیکج کی فراہمی میں مسلسل سپورٹ کا اعادہ کیا گیا۔
سعودی وزیر دفاع کا کہنا تھا کہ ’یہ سپورٹ سلامتی اور استحکام کو مضبوط بنانے، یمن اور اس کے عوام کے بہتر مستقبل کی تعمیر میں کردار ادا کرنے کے عزم کو ظاہر کرتی ہے۔‘
