سعودی ولی عہد کے عطیے سے تعمیر ہونے والے رہائشی یونٹس مستحق خاندانوں کے حوالے

سعودی وزیر بلدیات و ہاوسنگ ماجد الحقیل نے کہا ہے کہ’ ایک ارب ریال کے عطیے سے تعمیر کیے جانے والے رہائشی یونٹس مستحق خاندانوں کے حوالے کردیے گئے۔‘

یاد رہے سعودی ولی عہد شہزادہ محمد بن سلمان نے ذاتی حیثیت میں مستحق اور ضرورت مند خاندانوں کے لیے ہاؤسنگ منصوبوں کی مد میں ایک ارب ریال کا عطیہ دینے کا اعلان تھا۔

اخبار 24 کے مطابق ’جود الاسکان‘ کے پروگرام کے تحت رہائشی یونٹس کی تعمیر 12 ماہ کی ریکارڈ مدت میں مکمل کی گئی۔

یہ اقدام سعودی ولی عہد کی ہدایات پر عمل درآمد کرتے ہوئے کیا گیا، جس کا مقصد مملکت کے مختلف علاقوں میں مستحق خاندانوں کو مناسب رہائش فراہم کرنا ہے۔

 ولی عہد نے ’جود الاسکان‘ کے تحت تعمیراتی پروجیکٹس کو 12 ماہ میں مکمل کرنے کی ہدایت کی تھی۔

ولی عہد کی ہدایات پرسختی سے عمل کرتے ہوئے ایک برس کی مقررہ مدت میں تمام رہائشی یونٹس مکمل کرکے مستحق خاندانوں کے حوالے کر دیے گئے۔

سعودی ولی عہد کا یہ عطیہ شہریوں کو بہتر معیار زندگی فراہم کرنے کے عزم، ہاوسنگ کے شعبے، خصوصا مستحق خاندانوں کےلیے رہائشی منصوبوں میں خصوصی دلچسپی کو ظاہر کرتا ہے۔