نواز شریف جیل جانے سے بچ سکتے ہیں،وسان

کراچی ...سندھ کے وزیرصنعت وتجارت منظورحسین وسان نے کہا ہے کہ ملک میں الیکشن وقت سے پہلے ہونگے۔نوازشریف نے ٹکراوکیا تو الیکشن میں تاخیر ہوگی۔ سیاستدانوں کیلئے 2ماہ اہم ہیں۔عید پر بڑوں کی قربانی ہوگی۔ نوازشریف ملک سے باہر چلے گئے تو جیل جانے سے بچ سکتے ہیں۔انہوں نے کہا کہ سیاستدانوں کیلئے نومبر ،اکتوبر اہم ہیں۔ عید پر بڑوں کی قربانی ہوگی۔ کچھ رہیں گے اور کچھ چلے جائیں گے۔احتساب ہونے کے بعد صاف ستھرے لوگ آئیں گے۔ٹرمپ کے پاکستان پر الزامات کے حوالے سے وسان نے کہاکہ ٹرمپ بیان نہ دیتا تو احتساب کا عمل تیز ہوتا۔ٹرمپ کے بیان کے داخلی وخارجی صورتحال پر اثرات پڑیں گے۔ پاکستان کی پوزیشن ڈاون کرنے کی کوشش کی جارہی ہے۔ا نہوںنے کہا کہ سندھ میں حکومت بنانے کیلئے پی پی پی مخالف اتحاد بنایا جارہاہے۔ایم کیو ایم دھڑے الیکشن سے پہلے ایک ہوجائیں گے۔