ٹویٹر کا بک مارک فیچر آزمائشی طور پر شروع
سماجی رابطے کی ویب سائٹ ٹویٹر نے بک مارک فیچر کی آزمائش شروع کرنے کا اعلان کیا ہے۔ اس فیچر کی مدد سے صارفین کسی بھی ٹویٹ کو بک مارک کرنے یا بعد میں پڑھنے کے لئے محفوظ کر سکیں گے۔بک مارک کے آپشن کو صارف کے نیویگیشن مینو میں شامل کر دیا جائے گا۔ اس نئے فیچر کو پہلے سیو فار لیٹر کا نام دیا گیا تھا تاہم اب اسے بک مارک کا نام دے دیا گیا ہے۔
اس فیچر کے متعارف کروانے سے متعلق کمپنی نے اکتوبر میں اعلان کیا تھا تاہم ابھی تک اس بات کا اعلان نہیں کیا گیا کہ فیچر کب تمام صارفین کے لئے پیش کر دیا جائے گا البتہ امید کی جا رہی ہے کہ جلد ہی اسے صارفین کے لئے متعارف کروا دیا جائے گا۔