ریاض .... باخبر ذرائع نے بتایا ہے کہ جنوبی و مغربی ریاض کے اسپتالوں اور ہیلتھ سینٹرز کو کنگ سعود میڈیکل سٹی کے سائبان تلے جمع کرنے کا فیصلہ کرلیا گیا۔ یہ سارے اسپتال اور ہیلتھ سینٹرز کنگ سعود میڈیکل سٹی کے زیر اہتمام کام کرینگے۔ یہ فیصلہ قومی تبدیلی پروگرام 2020ءکے ضمن میں کیا گیا ہے۔ تفصیلات کے مطابق کنگ سلمان اسپتال، الایمان اسپتال، عبدالرحمن الفیصل اسپتال اور متعدد ہیلتھ سینٹرز نے کنگ سعود میڈیکل سٹی کے اعلیٰ عہدیداروں سے ملاقات کرکے پروگرام کو حتمی شکل دی۔
