عراق میں ہلاک ہندوستانیوں کی باقیات ورثاء کے حوالے

امرتسر ۔۔۔۔عراق میں ہلاک 38ہندوستانیوں کی باقیات لانے والا خصوصی طیارہ امرتسر انٹر نیشنل ایئر پورٹ پہنچا۔
  ایک میت کی شناخت ہنوز نہیں ہوسکی۔مہلوکین کے رشتے داروں نے اشکبار آنکھوں سے باقیات وصول کیں ۔ تابوت لانے والا یہ خصوصی طیارہ جیسے ہی ایئرپورٹ پہنچا فضا میں غم و اندوہ کی لہر دوڑ گئی۔
تابوتوں کو دیکھ کر غمز دہ رشتے داروں کی آنکھوں سے اشک جاری ہوگئے۔ وزیر مملکت وی کے سنگھ نعشیں لینے عراق گئے ہوئے تھے۔