برطانیہ: لندن اور دوسرے شہروں میں سیاحوں کیلئے نئی دلچسپیاں
اتوار 21 اکتوبر 2018 3:00
لندن - - - - برطانیہ میں لندن ، مانچسٹر اور لیور پول سمیت مختلف شہروں میں سیاحوں کی دلچسپی کی بے شمار چیزیں ہیں اور غیر ملکی سیاحوں کو ان چیزوں میں بڑی دلچسپی ہے۔ سیاحتی اداروں اور ذرائع کا کہنا ہے کہ جن خوش نصیبوں کو برطانیہ میں 2012ء میں منعقد ہونے والے اولمپکس اور پیرا اولمپکس کے علاوہ دوسری اہم تقریبات دیکھنے کا موقع ملا وہ اس وقت بنائے گئے سرخ رنگ کے ایک بہت بڑے ٹماٹر کو لوگوں نے انتہائی حیرت اور دلچسپی سے دیکھا ۔ یہ ٹماٹر چمک بھی رہا تھا اور اس کی سرخی آنکھوں کو خیرہ بھی کررہی تھی اور اسے آرسیلر میٹل اوربٹ کا نام دیا گیا تھا اور لندن کا ایک اہم تفریحی مقام سمجھا جارہا تھا۔ اب اسی قسم کے دو انتہائی عجیب تعمیراتی ڈھانچے تیار کئے گئے ہیں جن کی نمائش جلد ہونے والی ہے۔ نئی دلچسپیوں میں اسٹراٹ فورڈ کا ویسٹ فیلڈ سینٹر شامل ہے جو رومن روڈ پر واقع ہے۔ جہاں سے وکٹوریہ پارک بہت قریب ہے۔ یہاں ایک خم در خم رولر کوسٹر بھی ہے جو دھات کا بنایا ہوا انتہائی حیرت انگیز ڈھانچہ ہے اس کی اونچائی 376 فٹ ہے اور اسے برطانیہ میں پبلک آرٹ کا سب سے بلند شاہکار قرار دیا جارہا ہے۔ اس کی ڈیزائننگ کا سہرا 1991ء میں ٹرنر پرائز جیتنے والے جینیس آرٹسٹ اور ڈیزائنر انیش کپور کے سر ہے ۔ یقینی طور پر یہ پیسا کے جھکے ٹاور جتنا اہم نہیں مگر آج کا انسان اس قدیم شاہکار کے جتنا ہی اس نئے ٹاور کو پسند کرے گا۔
