افغان صدر کا عمران خان سے ٹیلی فونک رابطہ

اسلام آباد... افغان صدر اشرف غنی نے وزیراعظم عمران خان سے ٹیلی فون پر رابطہ کیا ہے۔ افغان مفاہمتی عمل،سرحدی امور اور باہمی تعلقات پر بات چیت کی گئی۔ صدر اشرف غنی نے عمران خان کو دورہ افغانستان کی دعوت دی جو انہوںنے قبول کرلی۔وزیراعظم عمران خان اور افغان صدر کے درمیان دوطرفہ تعلقات کو وسعت دینے پر بھی تبادلہ خیال کیا گیا۔ذرائع کے مطابق اس موقع پر عمران خان نے کہا کہ افغانستان کا امن پاکستان کے مفاد میں ہے۔ پرامن مصالحتی عمل سے متعلق سنجیدہ کوششوں پر یقین رکھتے ہیں۔