واشنگٹن۔۔۔امریکی صدر ڈونلڈ ٹرمپ نے ملک میں عارضی طور پر شٹ ڈاؤن ختم کرنے کا اعلان کردیا۔ ٹرمپ نے اپوزیشن کے آگے گھٹنے ٹیک دیئے ۔ ڈیموکریٹس سے شٹ ڈاؤن کے عارضی خاتمے کیلئے ڈیل ہو گئی۔ ٹرمپ نے شٹ ڈاؤن ختم کرنے کے بل پر دستخط کردیئے ۔دستخط کے بعد ملک میں حکومتی امور بحال ہو گئے۔واشنگٹن میں میڈیا بریفنگ کے دوران امریکی صدر نے کہا کہ شٹ ڈاؤن 3 ہفتوں کیلئے ختم ہوگا۔ انہوں نے کہا کہ کانگریس نے 15 فروری تک منصفانہ معاہدہ نہ کیا تو فیصلہ کروں گا۔15 فروری سے دوبارہ شٹ ڈاؤن ہوگا ۔اپنے صوابدیدی اختیارات استعمال کروں گا۔ڈونلڈ ٹرمپ نے کہا کہ حفاظتی دیوار کی تعمیر پر معاہدہ نہ ہوا تو نیا شٹ ڈاؤن ہوجائیگا۔عارضی ڈیل کے تحت میکسیکو سرحد پر دیوار کی فنڈنگ شامل نہیںھ۔ ایمرجنسی فنڈنگ کیلئے کانگریس سے منظوری کی ضرورت نہیں پڑے گی۔ امریکی صدر ٹرمپ کو میکسیکو سرحد پر ایمرجنسی لگا کر فنڈز کے اجرا کا اختیار حاصل ہے۔اسپیکر پلوسی نے کہا کہ امریکی صدر کے اسٹیٹ آف یونین خطاب کے متعلق ابھی پلان نہیں کیا۔شٹ ڈاؤن کے مکمل خاتمے تک اسٹیٹ آف دی یونین خطاب ممکن نہیں۔
