دورۂ سعودی عرب مکمل، وزیراعظم شہباز شریف پاکستان روانہ

وزیراعظم شہباز شریف سعودی عرب کا دورہ مکمل کرنے کے بعد پاکستان کے لیے واپس روانہ ہو گئے ہیں۔

پی ایم آفس کی جانب سے سنیچر کی صبح جاری کیے گئے بیان کے مطابق مدینہ ایئرپورٹ پر گونر مدینہ شہزادہ سلمان بن سلطان بن عبدالعزیز آلسعود نے وزیراعظم اور ان کے وفد کو الوداع کیا۔

دورے کے دوران سعودی ولی عہد شہزادہ محمد بن سلمان، وزیراعظم پاکستان شہباز شریف اور ترک صدر رجب طیب اردوغان نے مکہ مشترکہ دفاعی معاہدے پر دستخط بھی کیے۔

جس سے تینوں ممالک کے دفاعی تعاون و برادرانہ تعلقات میں نئی جہتوں کا اضافہ ہو گا۔

وزیراعظم نے دورے کےدوران عمرے کی سعادت بھی حاصل کی اور مسجد نبوی میں روضہ رسول پر حاضری بھی دی۔

نائب وزیرِ اعظم و وزیرِ خارجہ سینیٹر محمد اسحاق ڈار، آرمی چیف و چیف آف ڈیفینس فورسز فیلڈ مارشل سید عاصم منیر، وزیر دفاع خواجہ محمد آصف، وزیرِ اطلاعات و نشریات عطاء اللہ تارڑ اور معاون خصوصی سید طارق فاطمی بھی وزیرِ اعظم کے ہمراہ تھے۔