ریاض۔۔۔ اقامہ و لیبر قوانین کی خلاف ورزی کرتے ہوئے وزارت محنت کی تفتیشی ٹیموں نے 27 غیر ملکیوں کو گرفتار کرلیا۔ تفتیشی دورے کے دوران 137 خلاف ورزیاں ریکارڈ کی گئیں۔ 61 دکانداروں کیخلاف قانونی کارروائی کی گئی۔ اسی طرح موبائل کی مرمت کرنے والے ایک افریقی کو گرفتار کیاگیا ہے جس کے قبضے سے 25 ہزار ریال نقد اور 33 مختلف اقسام کے موبائل ضبط کئے گئے ہیں۔ افریقی اپنے گھر میں موبائل کی مرمت کا کام کیا کرتا تھا۔
