بزرگ موذن کا بڑا جنازہ

جازان ۔۔۔ 50برس سے زیادہ عرصے سے اذان کی صدا بلند کرنے والے قدیم ترین سعودی موذن کا جنازہ کار خیر کرنے والوں سے اہل جازان کی محبت کے مظاہرے میں تبدیل ہوگیا۔ تفصیلات کے مطابق یحییٰ الجریبی البدیع جامع مسجد میں مسلسل 5عشروںسے اذان دے رہے تھے۔ انکی نماز جنازہ میں جازان کے ہزاروں لوگوں نے شرکت کی۔ ہر ایک انکے فراق پر آنسو بہا رہا تھا۔ البدیع کے باشندوں کا کہناہے کہ البدیع جامع مسجد کے موذن سے انکا تعلق نہایت گہرا تھا۔ وہ انکی یومیہ زندگی کا اٹوٹ حصہ بنے ہوئے تھے۔ بوڑھے، نوجوان سب ان سے پیار کرتے تھے۔ کہتے ہیں کہ انکی یاد برسوں نہ بھلائی جاسکے گی۔