مکہ المکرمہ۔۔۔ یہاں الشرائع سیکٹر میں گرلز اسکول کے سامنے خود کو برہنہ کرنے والا ذہنی مریض نکلا۔ تفصیلات کے مطابق بچیوں کو لینے کیلئے سرپرست حضرات اسکول پہنچے ہوئے تھے۔ چوکیدار بھی مستعد کھڑا ہوا تھا۔ اچانک ایک شخص نے جو اول فول حرکتیں کررہاتھا، اسکول میں گھسنے کی کوشش کی۔ اسے روکا گیا اسی دوران اس نے سب کے سامنے خود کو بے لباس کردیا۔ خوف و ہراس پھیل گیا۔ موقع پر موجود لوگوں نے اس کے اطراف انسانی دیوار بنا لی۔ پولیس نے پہنچ کر اسے گرفتا ر کرلیا۔ اب اس سے پوچھ گچھ کی جارہی ہے۔
