سعودی عرب نے حوثیوں کے 6 بیلسٹک میزائل تباہ کر دیے
جمعرات 24 ستمبر 2026 15:03
ترکی المالکی نے بتایا کہ ’فضائی دفاعی نظام نے طائف اور ینبع کو نشانہ بنانے کی کوشش کو ناکام بنا دیا‘ (فائل فوٹو: اے ایف پی)
یمن کی بین الاقوامی سطح پر تسلیم شدہ حکومت کی حمایت کرنے والے اتحاد نے حوثی ملیشیا کی طرف سے فائر کیے گئے چھ بیلسٹک میزائلوں کو ہوا ہی میں تباہ کر دیا ہے۔
یہ بات عرب اتحاد کے ترجمان میجر جنرل ترکی المالکی نے جمعرات کو کہی۔
ترکی المالکی نے مزید بتایا کہ ’فضائی دفاعی نظام نے طائف اور ینبع کو نشانہ بنانے کی کوشش کو ناکام بنا دیا۔‘
انہوں نے کہا ’دہشت گرد حوثی ملیشیا کی اس کشیدگی اور خلاف ورزیوں سے سختی سے نمٹا جائے گا۔‘
اس قبل بھی حوثیوں کی جانب سے ریاض کی جانب داغے گئے ڈرونز کو فضاء ناکارہ بنایا گیا تھا۔
منگل کو سعودی عرب، مصر، پاکستان اور ترکیہ نے مملکت کو نشانہ بنائے جانے والے تمام حملوں خصوصا حوثیوں کے حالیہ حملوں کی شدید مذمت کی۔ ان ممالک نے مملکت کی خود مختاری اور دفاع کے حق کے لیے سپورٹ کا اعادہ کیا۔
ایس پی اے کے مطابق چاروں ملکوں کے وزرائے خارجہ نے نیویارک میں اقوام متحدہ کی جنرل اسمبلی کے اجلاس کے موقع پر مشاورتی اجلاس منعقد کیا۔
