جدہ کے ریستوران میں خوفناک آتشزدگی

جدہ میں جمعہ کوامیر سلطان سٹریٹ پر واقع ریستوران میں آگ لگنے سے بھاری نقصان ہوا ہے- شہری دفاع کے اہلکاروں نے آگ پر قابو پالیا-

اخبار 24 کے مطابق آگ عمارت کی تیسری منزل میں واقع ریستوران میں لگی تھی- شہری دفاع کے اہلکاروں نے آگ لگنے اور اسے بجھانے کی کوششوں سے متعلق تصاویر میڈ یا میں جاری کی ہیں-

 تصاویر میں دیکھا جاسکتا ہے کہ ریستوران میں آگ لگی ہوئی ہے جبکہ شہری دفاع کے اہلکار اسے بجھانے کے لیے تیسری منزل پر پہنچنے کی کوشش کررہے ہیں-

آگ کے شعلے  خوفناک منظر پیش کررہے تھے جبکہ ریستوران سے دھویں کے بادل اٹھ رہے تھے-

المرصد کے مطابق صارفین نے ریستوران میں آگ لگنے کی اطلاع تصاویر سمیت وڈیو سوشل میڈیا پرشیئر کیں-

آگ سے متاثرہ ریستوران کے اطراف کئی قہوہ خانے اور ریستوران واقع تھے- شہری دفاع کے اہلکاروں نےآگ کا دائرہ آس پاس کے ریستورانوں اورقہوہ خانوں تک پہنچنے سے روک دیا-

مکہ مکرمہ ریجن میں شہری دفاع کے ترجمان کرنل محمد بن عثمان القرنی نے بتایا کہ ریستوران السلامہ محلے میں ہے- چارسو مربع میٹر کے رقبے میں آگ لگی تھی -

ریستوران کا رقبہ دو ہزار میٹر کے لگ بھگ ہے- آگ سے کوئی جانی نقصان نہیں ہوا-