اطالوی سنگر آندریا بوچلی نے میلان کے خالی گرجا گھر میں ایسٹر کنسرٹ میں پرفارم کیا جسے انٹرنیٹ پر لائیو سٹریم کیا گیا۔
میلان کے ڈٖومو کیتھڈرل سے ’میوزک فار ہوپ‘ کے عنوان سے ہونے والے کنسرٹ کو یوٹیوب پر اب تک دو کروڑ 20 لاکھ سے زائد بار دیکھا گیا ہے۔
مزید پڑھیں
-
مہمانوں کی شادی میں شرکت مگر اپنے اپنے گھروں سےNode ID: 471076
-
ہینڈ شیک نہیں تو فٹ شیک، ڈاکٹر کی دھومNode ID: 471201
-
آرٹسٹ کا کورونا سے لڑنے والی خواتین کو انوکھا خراج عقیدتNode ID: 471271
کنسرٹ میں ایک سازندے کے ساتھ بوچلی نے چار گانے گائے اور کنسرٹ کا اختتام ’امیزنگ گریس‘ سے کیا۔
مختصر کنسرٹ کے شروع ہونے سے پہلے بصارت سے محروم سٹار کا پیغام چلایا گیا جس میں ان کا کہنا تھا کہ ’میرے لیے یہ اعزار کی بات ہے کہ میں میلان سٹی اورمیلان کے ڈومو کی دعوت پر یہاں آیا ہوں۔‘
’لائیو سٹریم کیے جانے والے میوزک نے دنیا بھر میں کروڑوں لوگوں کو اکٹھا کیا۔ ہم اس زخمی دنیا کے دھڑکتے دل کو گلے لگائیں گے۔‘
خیال رہے اٹلی میں لیمبارڈی کا خطہ جس کا میلان دارالحکومت ہے کورونا وائرس کی وجہ سے سب سے زیادہ متاثر ہوا ہے۔ اس علاقے میں کورونا سے اب تک نو بزار سے زائد ہلاکتیں ہوئی ہیں۔
آاندریا بوچلی کے کنسرٹ پر تبصرہ کرتے ہوئے یوٹیوب کے ایک صارف پگی ینگ نے لکھا ’ آندریا بوچلی خدا کی طرف سے ایک تحفہ ہیں۔ یہ (کنسرٹ) بہت ہی خوبصورت تھا اور مجھے اس وقت اسے دیکھنے اور محسوس کرنے کی ضرورت تھی۔ بوچلی اپنے آواز کے تحفے اور میوزک کو ہمارے ساتھ شیئر کرنے کا شکریہ۔‘
اٹلی میں اس وقت چرچز بند ہیں اور ایسٹر کے موقع پر مسیحیوں کے روحانی پیشوا پوپ فرانسس کی ایسٹر سروس بھی انٹرنیٹ پر لائیو سٹریم کی گئی۔
-
واٹس ایپ پر خبروں کے لیے ’اردو نیوز‘ گروپ جوائن کریں