سعودی طلبہ نے بین الاقوامی مقابلوں میں 378 میڈلز جیتے

خدادا صلاحیت کے مالک سعودی طلبہ نے گذشتہ 10 برسوں کے دوران بین الاقوامی سائنسی مقابلوں میں شرکت کر کے 378 سونے اور چاندی کے میڈلز جیت لیے۔ انہوں نے توصیفی اسناد بھی حاصل کیں۔ 

اخبار24 کے مطابق سعودی عرب ایک ادارہ قائم کیے ہوئے ہے جس کا مخفف ’موھبۃ‘ ہے۔ اس کے سیکریٹری جنرل ڈاکٹر سعود المتحمی نے بتایا کہ یہ ادارہ کنگ عبدالعزیز کے نام سے منسوب ہے اور یہ خداداد صلاحیت کے مالک سعودی طلبہ کی سرپرستی کرتا ہے۔

ادارے سے منسلک طلبہ نے مملکت کے نام سے انٹرنیشنل اولمپک میں شرکت کرکے میڈلز جیتے- 2010 سے اب تک 93 پروگراموں میں شرکت کرچکے ہیں۔ 

المتحمی نے بتایا کہ ’موھبۃ‘ کی سہولتوں سے ایک لاکھ 92 ہزار طلبہ و طالبات نے استفادہ کیا۔

ایک لاکھ 33 ہزار سے زیادہ خداداد صلاحیت کے مالک طلبہ و طالبات کا انکشاف اسی پلیٹ فارم کے توسط سے ممکن ہو سکا۔ 

ڈاکٹر المتحمی نے توجہ دلائی کہ ’موھبۃ‘ کے سائبان تلے اپنی صلاحیتوں کا جوہر دکھانے والے طلبہ کو معاشرے میں پذیرائی مل رہی ہے۔

آرامکو، سابک، سعودی خلائی ادارہ اور متعدد جامعات ان کی خدمات سے فائدہ اٹھا رہی ہیں۔

قومی کمپنیوں میں موھبۃ کے سائبان تلے پلنے و بڑھنے والے طلبہ و طالبات کو ہاتھوں ہاتھ لیا جارہا ہے۔

• سعودی عرب کی خبروں کے لیے واٹس ایپ گروپ جوائن کریں