459 کلو چرس اور 24 ٹن قات سمگل کرنے کی کوشش ناکام

سعودی وزارت داخلہ نے کہا ہے کہ متعدد ممالک سے تعلق رکھنے والے گروہ کی طرف سے منشیات سمگل کرنے کی کوشش ناکام بنا دی گئی ہے۔

سعودی پریس ایجنسی کے مطابق وزارت داخلہ نے کہا ہے کہ ’منشیات فروش گروہ 459 کلو چرس، 24 ٹن اور نشہ آور پودہ قات سمگل کرنے کی کوشش کر رہا تھا‘۔

سرحدی محافظ فورس کے ترجمان لیفٹیننٹ مسفر بن غنام القرینی نے کہا ہے کہ ’گروہ کے افراد کو گرفتار کر لیا گیا ہے، ان کی کل تعداد 225 ہے‘۔

’گرفتار شدگان میں 184 یمنی ،23 ایتھوپی، 15 سعودی اور 3 صومالی شہری ہیں‘۔