سعودی عرب میں اس وقت کورونا ایکٹیو کیسز کی تعداد 2 ہزار 665 ہے۔ فوٹو ٹوئٹر
سعودی عرب میں جمعرات کے روز کورونا وائرس کے مزید 140 کیسز کی تصدیق ہوئی ہے جبکہ 171 افراد اس مرض سے شفایاب ہوئے ہیں۔
اب تک مملکت میں کورونا کے مجموعی کیسز کی تعداد 3 لاکھ 62 ہزار741 ہو گئی ہے جبکہ اس مرض سے 3 لاکھ 53 ہزار 853 افراد شفایاب ہو چکے ہیں۔
وزارت صحت کی جانب سے جاری اعداد و شمار کے مطابق گزشتہ 24 گھنٹوں میں کورونا سے 9 افراد کی ہلاکت کے بعد ملک میں مجموعی ہلاکتوں کی تعداد 6 ہزار 223 ہو گئی ہے۔
گزشتہ 24 گھنٹوں میں مزید 9 افراد ہلاک ہوئے ہیں۔ فوٹو: ایس پی اے
گزشتہ 24 گھنٹوں کے دوران سب سے زیادہ مریض ریاض ریجن میں سامنے آئے ہیں جن کی تعداد 55 رہی جبکہ مکہ مکرمہ ریجن میں 31 افراد میں کورونا کی تصدیق ہوئی ہے۔
مدینہ منورہ ریجن میں کورونا وائرس کے 8 کیسزکی تشخیص کی گئی جبکہ عسیر اور قصیم ریجن میں مریضوں کی تعداد 6 رہی۔
تبوک ریجن میں 5 افراد کورونا میں مبتلا پائے گئے جبکہ الجوف ریجن میں 3 اور نجران ریجن میں 2 افراد میں وائرس کی تصدیق ہوئی۔
حائل اور جازان ریجن میں ایک، ایک شخص میں کورونا وائرس کا ٹیسٹ مثبت آیا ہے۔
وزارت صحت کا کہنا ہے کہ مملکت میں اس وقت کورونا کے ایکٹیو کیسز کی تعداد 2 ہزار 665 ہے جن میں سے 368 کی حالت نازک ہے جنہیں انتہائی نگہداشت کے یونٹ میں رکھا گیا ہے۔
سعودی عرب میں کورونا کے کُل کیسز کی تعداد 3 لاکھ سے تجاوز کر گئی ہے۔ فوٹو: ایس پی اے
احتیاطی تدابیر کے حوالے سے وزارت صحت کا کہنا ہے کہ کورونا سے بچاؤ کے لیے ضروری ہے کہ ماسک اور سماجی فاصلے کے اصول کی پابندی کی جائے۔
