خادم حرمین شریفین شاہ سلمان بن عبدالعزیزآل سعود کو امیر کویت شیخ نواف الاحمد الجابر الصباح کا مکتوب موصول ہوگیا-
سعودی خبررساں ادارے ’ایس پی اے‘ کے مطابق کویتی وزیر خارجہ شیخ ڈاکٹر احمد بن ناصر الصباح نے سعودی وزیر مملکت برائے امور خارجہ و رکن کابینہ عادل الجبیر سے ریاض دفتر خارجہ میں ملاقات کرکے مکتوب پیش کیا-
کویتی وزیر خارجہ اور عادل الجبیر نے اس موقع پر کویت اور سعودی عرب کے دو طرفہ برادرانہ تعلقات اور باہمی دلچسپی کے علاقائی و بین الاقوامی حالات حاضرہ کا جائزہ لیا-
قبل ازیں شاہ سلمان کی جانب سے امیرکویت کو مکتوب ارسال کیا گیاتھا(فوٹو، ایس پی اے)
اس موقع پر نائب وزیر خارجہ انجینیئر ولید الخریجی، وزیر مملکت برائے امور افریقہ احمد قطان، سیکریٹری سیاسی و اقتصادی امور ڈاکٹر عادل مرداد اور سیکریٹری بین الاقوامی امور ڈاکٹر عبدالرحمن الرسی بھی موجود تھے-
دریں اثنا کویتی خبررساں ایجنسی کے مطابق جمعہ کو امیر کویت شیخ نواف کوشاہ سلمان بن عبدالعزیزآل سعود کی جانب سے ارسال کیا گیا مکتوب موصول ہوا تھا۔
