’سفری اجازت ناموں کے لیے صرف آن لائن کارروائی‘
سفر کی درخواست ابشر کے سوا کسی اور ذریعے سے نہ دی جائے- (فوٹو: عرب نیوز)
سعودی عرب میں ابشر پلیٹ فارم نے اس امر کی وضاحت کی ہے کہ مستثنیٰ زمروں میں شامل افراد سفر ی اجازت نامے کس طرح حاصل کریں۔ سعودی حکومت کورونا کے باعث مقامی شہریوں کے بیرون مملکت سفر پر پابندی عائد کیے ہوئے ہے۔
اخبار 24 کے مطابق ابشر پلیٹ فارم نے سفری اجازت نامہ حاصل کرنے کے لیے طریقہ کار جاری کیا ہے۔
درخواست ابشر پلیٹ فارم کے سوا کسی اور ذریعے سے نہیں دی جائے گی۔
مستثنیٰ زمرے میں شامل سعودی شہری سفری اجازت نامے کے لیے کسی کو ثالث کے طور پر استعمال کریں اور نہ کوئی شخص ثالث بن کر سفری اجازت نامے کی کارروائی میں حصہ لے۔
بعض لوگ غیر قانونی طریقے سے اجازت ناموں کے اجرا کے بہانے مقامی شہریوں کو دھوکہ دے رہے ہیں ان سے ہوشیار رہا جائے۔
ابشر پلیٹ فارم نے ہدایت کی ہے کہ اجازت نامہ حاصل کرنے کے لیے کسی بھی ثالث کی خدمات کسی بھی صورت میں نہ لی جائیں۔
اگر کوئی شخص سفری اجازت نامہ نکلوانے کے لیے اپنی خدمات پیش کرے تو پہلی فرصت میں اس کی رپورٹ کر دی جائے۔ اجازت نامے کی کارروائی صرف آن لائن ہو رہی ہے کسی اور ذریعے سے نہیں۔
واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں
وزارت شہری خدمات کی تمام سروسز’ ابشر‘ سے مربوطNode ID: 449551
ابشر محفوظ ترین سسٹم ہے، وزارت داخلہNode ID: 393561
’ابشر میں اپنا نمبر دوسرے کے اکاؤنٹ میں استعمال نہ کریں‘Node ID: 455676
