’قوی‘ سروس، غیر ملکی اپنے معاہدوں تک رسائی حاصل کرسکیں گے

سعودی عرب کی نئی ’قوی‘ سروس کا مقصد مملکت میں سرمایہ کاری کے لیے زیادہ پرکشش ماحول پیدا کرنا اور سرکاری اور نجی ایجنسیوں کے ذریعے فراہم کردہ خدمات کے معیار کو بڑھانا ہے۔

عرب نیوز کے مطابق وزارت انسانی وسائل اور سماجی ترقی (ایم ایچ آر ایس ڈی) کا پلیٹ فارم لیبر سیکٹر کے لیے ای خدمات کو بڑھانے، مارکیٹ کو زیادہ مسابقتی بنانے اور سعودی وژن 2030 کے مطابق نجی شعبے میں پیداواری صلاحیت کو بڑھانے کے لیے خدمات کی ایک متنوع صف فراہم کرتا ہے۔

ای پلیٹ فارم ایک ڈیجیٹل مقام  پر افرادی قوت کی خدمات کو مستحکم کرتا ہے۔ اس کے ذریعے نجی شعبے میں غیر ملکی کارکنان نہ صرف آسانی کے ساتھ اپنے معاہدوں تک رسائی حاصل کرسکیں گے بلکہ اپنے موجودہ معاہدوں کے اختتام پر ایک آجر سے دوسرے میں منتقل ہونے میں ان کی مدد کریں گے۔

ریاض میں انسٹیٹیوٹ آف پبلک ایڈمنسٹریشن میں قانون کے پروفیسر ڈاکٹر اسامہ العبیدی نے عرب نیوز کو بتایا  ’سرمایہ کار کاروباری پیشہ ورانہ اورعارضی وزٹ ویزوں اور خواتین کے ویزوں کے اجرا سے متعلق لین دین کو مکمل کرسکیں گے۔ (قوی) سعودی وژن 2030 کی مناسبت سے لیبر مارکیٹ کو فروغ دینے کے لیے سرکاری اور نجی شعبوں کے مابین شفافیت اور تعاون کو بڑھائے گا۔‘

العبیدی نے مزید کہا کہ پیش کردہ خدمات میں ماہانہ رپورٹیں شامل ہیں جن میں آجروں اور وزارت انسانی وسائل کے مابین مواصلات کو فروغ دینے کے لیے لیبر قوانین اور قواعد و ضوابط کی تعمیل کو بہتر بنایا جا سکتا ہے۔

اس کے علاوہ، قوی ای ایڈوائزر خدمات مہیا کرتی ہے جو کاروبار کو الیکٹرانک طریقے سے جانچنے اور کارکردگی کو بہتر بنانے میں معاون ہے۔

اس میں وزارت کی جانب سے جاری کردہ کسی بھی کاروبار کو مطلع کیا گیا ہے تاکہ وہ قوانین اور ضوابط کو تبدیل کرنے،خلاف ورزیوں، نقائص یا ان کی تعمیل میں ناکامی سے بچ سکے۔

العبیدی نے کہا ’یہ پلیٹ فارم نئے اور موجودہ کاروباروں کی گروتھ اور ترقی میں فائدہ اٹھانے اورغیر ملکی سرمایہ کاری کو راغب کرنے کے لیے فیصلہ سازی کے عمل کو تیز کرنے کی جانب وزارت کا  ایک اہم قدم ہے۔‘

قانونی اور کارپوریٹ امور کے ماہر ڈاکٹر مجید الہدایان نے عرب نیوز کو بتایا ’ قوی پلیٹ فارم قومی اور غیر ملکی سرمایہ کاری کو راغب کرنے اور ان کی حوصلہ افزائی کرنے کے لیے کام کرتا ہے اور سرکاری اور نجی شعبوں کے مابین شراکت پر زور دیتا ہے جس کا مقصد وژن 2030 کے تحت تنوع کے اہداف کو حاصل کرنا ہے۔‘

قوی کی ای کنسلٹنسی خدمات میں ایک انٹرایکٹو ڈیش بورڈ شامل ہوتا ہے جس میں کاروبار کے انڈ یکیٹر کی نمائش ہوتی ہے جن میں اوسط اجرت، روزگار کی شرح اور ملازمت کی استحکام شامل ہوتا ہے۔