کیا شمیسی چیک پوسٹ پر ’ٹول ٹیکس‘ لگنے جارہا ہے؟

مکہ مکرمہ ڈویلپمنٹ اتھارٹی نے کہا ہے کہ شمیسی چیک پوسٹ سے گزرنے والی گاڑیوں سے ٹیکس یا فیس وصول کرنے کا کوئی ارادہ نہیں ہے۔

سبق ویب سائٹ کے مطابق اتھارٹی نے کہا ہے کہ ’شمیسی کے نئے چیک پوسٹ پر ’ٹول ٹیکس‘ قائم نہیں کیا گیا بلکہ گاڑیوں کے لئے نئی گزرگاہیں بنائی گئی ہیں‘۔

واضح رہے کہ نئے شمیسی چیک پوسٹ میں مکہ سے جدہ اور جدہ سے مکہ جانے والی گاڑیوں کے لئے نئی گزرگاہیں کھول دی گئی ہیں۔

یہ شمیسی چیک پوسٹ منصوبے کا پہلا حصہ ہے جس کا تجرباتی طور پر افتتاح کیا گیا ہے جبکہ دوسرے مرحلے پر بھی کام جاری ہے۔

سوشل میڈیا پر گذشتہ روز شمیسی چیک پوسٹ میں گاڑیوں کی نئی گزرگاہوں کی تصاویر شیئر کی گئیں جن سے لوگوں نے یہ تاثر لیا ہے کہ جس طرح دیگر ممالک میں ہائی ویز کے استعمال پر ٹیکس یا فیس لی جاتی ہے ویسا ہی کوئی نظام یہاں نافذ کیا جا رہا ہے۔

اس غلط تاثر کی وجہ یہ بھی ہے کہ نئے چیک پوسٹ میں گاڑیوں کی گزرگاہیں اور انہیں چیک کے لئے اہلکاروں کے لیے جو کمرے بنائے گئے ہیں وہ ٹول ٹیکس سے مشابہ ہیں۔

مکہ مکرمہ اتھارٹی نے سوشل میڈیا پر گردش کرنے والی خبروں کی تردید کرتے ہوئے کہا ہے کہ ہائی ویز کے استعمال پر کوئی فیس یا ٹیکس نہیں۔

اتھارٹی نے کہا ہے کہ ’مکہ، جدہ ہائی وے جس کا نیا نام شہزادہ محمد بن سلمان روڈ رکھا گیا ہے، پر نئی شمیسی چیک پوسٹ کا تجرباتی افتتاح ہوا ہے۔